موقف طفولي ما ينسى ..

[حزن]

الطفولة تعني البراءة

طبعاً ما حد يخالفني في هالعبارة .. لأن أي طفل هو بريء وإن كان شيطوووون ..
كلنا مرينا في مرحلة الطفولة وأغلبنا تجاوزها الحين ..
فيه مواقف ما تنسى وإن أنت نسيتها يظلو أهلك يذكروك فيها .... طبعاً أغلبها تكون مواقف مضحكة تموت من الضحك
وأنا شخصياً مواقفي ما تخلص .. وراح أبدأ أنا شخصياً وأتمنى تتفاعلو معاي ..

الموقف :
الموقف هذا ما صار من وقت طويل يعني من شي 3 سنوات أو اقل ..
كنت في مزرعة مع صاحباتي .. المهم هاذي المزرعة فيها زلاحة (والله سألت أختي وش يسمونها عندكم قالت يمكن زحليقة) .. المهم هاذي الزلاحة طولها حاولي 8 أمتار يعني رفيعة مررررررررة .. هاذي الزحلاة محطوطة وسط تراب وموية وكذا فجنبها فيه طين ووساخة بالمختصر المفيد ... تم حذف بعض الكلمات التي لا يصلح ذكرها
وجهي كله في الطين .. ياربي والله أما هي فشلة .. ظلوا صاحباتي ساعة يشيلو الطين عن وجهي .. بس والله ما أنساها .. لأني أذكر ساعتها بغينا نموت من الضحك والله ........


بس خلص الموقف .. جا دوركم

[الحســـاس]

جميل جدا ان يتذكر الانسان طفولته

جميل ان نعود الى الذكريات الجميلة

جميل ان نجدد نشاطنا وحيويتنا بالماضي .

موقف طريف اختي حزن وياما صارت لنا مواقفغ شبيهه له .

بس خليني اتذكرها تمام علشان اصفق بأم الموقف ويكون موقف على اصوله . احبكه صح يعني .

شكرا حزن

الحساس

[نورا الحربي]

السلام عليكم

اكيد الطفوله بالذات مرحله بريئه مليئه بالاحداث الممتعه والمضحكه احيانا, والمحزنه احيانا اخرى
انا اذكر حادثه طريفه حصلت معي ...

كنت العب مع اخواني لعبه اننا ننحاش كل واحد في مكان وواحد يدورنا لين يلاقينا المهم انا رحت انحشت ورا الكرفايه او ( القنفه ) او( الكنبه ) وكانت في ستاره ما تخليني اظهر مررره نطرت لين اخوي يجي ويصيدني لكنه ما جا تعبتمن الانتظار وطفله رحت نمت بمكاني ساعه العشا اهلي ينادوني يدورون بكل مكان اخوي ما قالهم اننا كنا نلعب وممكن اكون في اي ركن بالبيت قعدوا اكثر من 3 ساعات يدورون وامي خافت والا تبلغ الشرطه ولشتغلت التلفونات وصراخ وبكاء وين راحت الحب الاكيد وفي هذي اللحظه انا فقت من النوم وكان اهلي تقريبا كلهم برا البيت يدورون عليي الا اخوي الاصغر مني يبكي قمت وسالته شفيك تبكي قالي اختي خطفوها صرت ابكي بعد علىاختي وانا مادري وايش السالفه ..
لما رجعوا اهلي شافوني ابكي مع اخوي طبعا هنا كانت المفاجا لي انني انا المخطوفه والمفاجا لهم انيمن وين ظهرت !!!!!! وصاروا مخبرين الشرطه بعد ...:):):)

كان يوم رهيييب كله مفاجآت


مع تحيات اختك الحب الاكيد

[البـــراء]

... حزن ..

الطفوله شيء مثير للغايه .. في كل حالاتها ..

والإنسان مهما كانت طفولته .. يحب أن يتذكرها .. وماشاء الله عليك موقفك لا يحسد عليه ..

أختي .. الحب الأكيد .. أنتي موقفك مضحك .. بس ما كملتي لنا القصه ..

.. ويش سون اهلك فيك ذيك الساعة .. اكيد جلسو يبكون يوياك ..

.. وصار الكل يبكي ومو عارف ويش السالفه .. :D

وإنشاء الله رايح اذكر لكم شيء من طفولتي الغريبه


لكم كم أخوكم المودة والإحترام
البــــــراء